मागील अनेक दिवसांपासून जिल्हा परीषद शिक्षकांच्या संवर्ग ३ व ४ च्या बदल्या रखडलेल्या होत्या. जिल्ह्यातील काही शिक्षक संघटना आपापले लोक घेऊन मा उपमुख्यमंत्री देवेंद्र फडणवीस यांना भेटून आले. पोर्टल द्वारे नवीन शिक्षकांची पदस्थापना होण्यापूर्वी जिल्ह्यातील शिक्षकांच्या बदल्या झाल्यास रिक्त जागेवर नवीन पोर्टल नियुक्त शिक्षक यांची पदस्थापना केल्यास अनेक वर्षापासून बदलीची संधी न मिळालेल्या शिक्षकांना न्याय मिळेल ही भूमिका एका प्रभावी अश्या शिक्षक संघटनेच्या माध्यमातून शिक्षक भारती संघटनेच्या जिल्हाध्यक्ष श्री प्रविण फाळके व सहकाऱ्यांनी मंत्री महोदय यांना सांगितली. मंत्री महोदय यांना ती बाब पटली व त्यांनी मुख्य कार्यकारी अधिकारी सौम्या शर्मा यांना संबंधित बदली प्रक्रिया राबविण्यात यावी असे निर्देशित केले. जिल्हा परिषदेच्या वतीने गरजू शिक्षकाने विनंती बदलीची अर्ज करावा असे कळविले सर्व गरज असलेल्या शिक्षक बांधवानी अर्ज केले चाळणी प्रक्रियेतून सर्व सोपस्कार पूर्ण करून दिनांक ४ अगस्त २०२४ ला समुपदेशन प्रक्रिया नियोजितपणे पार पडली. आता अडचण निर्माण झाली ती श्रेय वादाची. शिक्षकांच्या बदल्या कुणी केल्या काहींचे असे म्हणणे आहे कि त्यांच्यामुळे बदल्या झाल्या तर काही म्हणतात आम्ही बदल्या केल्या. श्रेयवादाने राजकारण नासले असे म्हणत असताना आता शिक्षण क्षेत्र ही त्याला अपवाद नाही असे खेदाने म्हटले जाते ज्या शिक्षकाची बदली झाली त्याच्या आनंदात आनंद मानून घ्या व बदलीचा हा सूर इथेच थांबवा अशी सर्वच शिक्षक बांधवांची मागणी होत आहे.
